"КӰСӦ ПАМАШ"

Ожно угро-финн-влак мландым, Балтик теныз деч тӱҥалын, Урал марте айленыт. Урал марий-влак - Свердловск областьын кечывалвел-касвелныже да Пермь кундемын йӱдвел-эрвелныже ила. Кызыт урал марий-влакын ожнысо марий йӱлам аралыме рӱдӧ вержылан Свредловск областьысе Изи Тавра ял шотлалтеш. Тиде ял воктен кумалме ото верланен. Тушко Изи Тавра ялысе калык кумалаш коштеш да отышто Кӱсӧ памаш йоген вола.